Azərbaycan futbolu tarixində avrokuboklarda pley-ofa çıxan ilk komanda - "Qarabağ" bu gün UEFA Konfrans Liqasının 1/16 finalında “Olimpik Marsel”in qonağı olacaq. Fransa klubu Avropa Liqasının qrup mərhələsini 3-cü tamamlayıbsa, “Qarabağ” Konfrans Liqaslnın qrup mərhələsində yalnız “Bazel”dən geri qalaraq 1/16 finala çıxmışdı.
"Qarabağ"ın heyətində Şahruddin Məhəmmədəliyev və Xayme Romero zədəlidir, Bədavi Hüseynovla Abbas Hüseynovun isə meydana çıxıb-çıxmayacağı hələ ki, məlum deyil. Meydan sahiblərində isə yeganə itki Valenten Ronjyenin cəzalı olmasıdır. Qeyd edək ki, “köhlən atlar” tarixdə ilk dəfə “Marsel Olimpik”i ilə görüşəcəklər.
"Velodrom" stadionunda oynanılacaq qarşılaşma Bakı vaxtı ilə gecə yarısı başlayacaq. Görüşü monteneqrolu Nikola Dabanoviç idarə edəcək.